ഹൃദ്രോഗ ചികിത്സയ്ക്ക് തദ്ദേശീയ നിർമ്മിത ഉപകരണം ;മൈഹാർട്ട് സ്റ്റാർ കെയർ ആശുപത്രിയിൽ’മിട്രൽ ക്ലിപ്പ്’ ശസ്ത്രക്രിയവിജയകരം

കോഴിക്കോട് :മലേഷ്യയിൽ നിന്നെത്തിയ രോഗിക്ക് ഇന്ത്യയിലെ ആദ്യ തദ്ദേശീയ നിർമിത ‘മിട്രൽ ക്ലിപ്പ്’ ഉപകരണമായ മൈക്ലിപ്പ് ഉപയോഗിച്ച് മൈ ഹാർട്ട് സ്റ്റാർകെയർ ആശുപത്രിയുടെ നൂതന മുന്നേറ്റം .
ഗുരുതരമായ ഹൃദ്രോഗം ബാധിച്ച 51 വയസ്സുള്ള രോഗിക്കാണ് പുതുജീവൻ ലഭിച്ചത്.
ഗുരുതരമായ ഹൃദ്രോഗം ബാധിച്ച് മലേഷ്യയിൽ നിന്നെത്തിയ 51കാരനാണ്
ഇന്ത്യയിൽ ആദ്യത്തെ തദ്ദേശീയമായി വികസിപ്പിച്ചെടുത്ത മിട്രൽ ക്ലിപ്പ് ഉപകരണം -‘മൈക്ലിപ്പ്’ ഉപയോഗിച്ച് വിജയകരമായി ചികിത്സ നൽകി കോഴിക്കോട് മൈഹാർട്ട് സ്റ്റാർകെയർ ആശുപത്രി.
ഇന്ത്യയിൽ താങ്ങാവുന്ന നിരക്കിൽ ഹൃദയ പരിചരണം ലഭ്യമാക്കുന്നതിൽ ഒരു പ്രധാന നാഴികക്കല്ലായി മാറി .മൂന്ന് വർഷത്തിലേറെയായി കടുത്ത ശ്വാസതടസ്സം, വീങ്ങിയ കാലുകൾ, കടുത്ത ക്ഷീണം എന്നിവയാൽ ദൈനംദിന പ്രവർത്തനങ്ങൾ പോലും സ്വയം ചെയ്യാൻ കഴിയാത്ത നിലയിലായിരുന്നു രോഗി.
ഹൃദയത്തിൽ രക്തം തിരിച്ചൊഴുകുന്ന, ഹൃദയ വാൽവിൻ്റെ ഗുരുതര തകരാറായ മിട്രൽ റീഗർജിറ്റേഷൻ (എം ആർ) എന്ന രോഗാവസ്ഥ അദ്ദേഹത്തിന് കണ്ടെത്തി.
രോഗലക്ഷണങ്ങൾ വഷളായി ഹൃദയസ്തംഭന സാധ്യതയ്ക്ക് വരെ കാരണമാകുന്ന നിലയിലായിരുന്നു അദ്ദേഹം.
രോഗിയുടെ പ്രായം, മറ്റ് ആരോഗ്യ പ്രശ്‌നങ്ങൾ എന്നിവ മൂലം തുറന്ന ഹൃദയ ശസ്ത്രക്രിയയോ ഹൃദയം മാറ്റിവയ്ക്കലോ പോലുള്ള പരമ്പരാഗത ചികിത്സാ മാർഗങ്ങൾ വളരെ അപകടകരമായതിനാൽ പരിഗണിച്ചില്ല. മരുന്നുകൾ കൊണ്ടും ചികിത്സ മതിയാകുകയുമില്ല.
മൈക്ലിപ്പിലൂടെ പകർന്ന പുതുപ്രതീക്ഷ
ഇന്ത്യൻ മെഡിക്കൽ ടെക്നോളജി കമ്പനിയായ ‘മെറിൽ’ അടുത്തിടെ അവതരിപ്പിച്ച മിട്രൽ വാൽവ് തകരാർ പരിഹരിക്കുന്ന ‘മൈക്ലിപ്’ എന്ന ഉപകരണമാണ് ഇവിടെ രക്ഷക്കെത്തിയത്. ‘ഇന്ത്യയിൽ നിർമിക്കുക’ എന്ന സംരംഭത്തിലൂടെ വികസിപ്പിച്ച ഈ ഉപകരണത്തിന് മെഡിക്കൽ സർട്ടിഫിക്കേഷൻ ബോർഡിൻ്റെ റെഗുലേറ്ററി അംഗീകാരം ലഭിച്ചിട്ടുണ്ട്. ഇറക്കുമതി ചെയ്ത ഇത്തരം ഉപകരണമായിരുന്നു ഇതിന് മുൻപ് ലഭ്യമായിരുന്നത്. ചിലവേറിയ ഇറക്കുമതി ഉപകരണങ്ങൾ ഭൂരിപക്ഷം ഇന്ത്യക്കാർക്കും താങ്ങാനാകുമായിരുന്നില്ല.
അങ്ങനെ
കോഴിക്കോട് മൈഹാർട്ട് സ്റ്റാർകെയർ ആശുപത്രിയിൽ നടന്നത് ജീവിതം മാറ്റിമറിക്കുന്ന ശസ്ത്രക്രിയയായി മാറി.
കോഴിക്കോട് മൈഹാർട്ട് സ്റ്റാർകെയർ ആശുപത്രിയിലെ സീനിയർ ഇൻ്റർവെൻഷണൽ കാർഡിയോളജിസ്റ്റ് ഡോ. എസ്.എം. അഷ്‌റഫാണ് ഏറ്റവും കുറഞ്ഞ മുറിവ് മാത്രം വരുത്തുന്ന രീതിയിൽ മൈക്ലിപ്പ് ശസ്ത്രക്രിയ നടത്തിയത്. തുറന്ന ഹൃദയ ശസ്ത്രക്രിയയുടെ ആവശ്യമില്ലാതെ, രക്തക്കുഴലിലൂടെ ഒരു ചെറിയ ട്യൂബ് വഴിയാണ് ഉപകരണം സ്ഥാപിച്ചത്. ശേഷം രോഗിയുടെ ലക്ഷണങ്ങൾ ആശ്ചര്യമാകുംവിധം മെച്ചപ്പെട്ടു. ഇപ്പോൾ അദ്ദേഹത്തിന് തൻ്റെ ദൈനംദിന ദിനചര്യകൾ സ്വയം ചെയ്യാനും ജീവിതം ആസ്വദിക്കാനും കഴിയും.
ഏകദേശം 1.5 ദശലക്ഷം ഇന്ത്യക്കാർ കടുത്ത മിട്രൽ റീഗർജിറ്റേഷൻ മൂലം ബുദ്ധിമുട്ടുന്നുവെന്ന്
ഇതു സംബന്ധമായി നടത്തിയ വാർത്താ സമ്മേളനത്തിൽ കോഴിക്കോട് മൈഹാർട്ട് സ്റ്റാർകെയർ ആശുപത്രിയിലെ സീനിയർ ഇൻ്റർവെൻഷണൽ കാർഡിയോളജിസ്റ്റ് ഡോ. ആശിഷ് കുമാർ മാൻഡലെ പറഞ്ഞു.
കേരളത്തിൽ മാത്രം ആയിരക്കണക്കിന് ആളുകൾ സമാനമായ വെല്ലുവിളികൾ നേരിടുന്നുണ്ട്. എന്നാൽ ചികിത്സാ സൗകര്യങ്ങൾ വളരെ പരിമിതവുമാണ്.
“കടുത്ത മിട്രൽ റീഗർജിറ്റേഷൻ ഉള്ള രോഗികൾക്ക് പ്രായം, രക്താതിമർദ്ദം, പ്രമേഹം, പൊണ്ണത്തടി, ബലഹീനത, അല്ലെങ്കിൽ നിലവിലുള്ള വൃക്ക, ശ്വാസകോശം, കരൾ പ്രശ്നങ്ങൾ എന്നിവ കാരണം പലപ്പോഴും ശസ്ത്രക്രിയ ചെയ്യുന്നത് അപകട സാധ്യത വർധിപ്പിക്കുന്നു. ചികിത്സിച്ചില്ലെങ്കിൽ, എംആർ വിനാശകരമായ ഫലങ്ങളാണ് വരുത്തിവെക്കുക. 50 ശതമാനത്തിൽ കൂടുതൽ പേർക്ക് രോഗം അതിജീവിക്കാൻ കഴിഞ്ഞേക്കില്ല, ഒരു വർഷത്തെ മരണ നിരക്ക് തന്നെ 57 ശതമാനം വരെയാകാം. അത്തരം രോഗികൾക്ക്, ശസ്ത്രക്രിയ കൂടാതെ ഈ മൈക്ലിപ്പ് ജീവൻ രക്ഷിക്കുന്ന ഒരു ബദൽ ചികിത്സയാണെന്ന്.” സീനിയർ ഇൻ്റർവെൻഷൻ കാർഡിയോളജിസ്റ്റ് -ഡോ. അഷ്‌റഫ് പറഞ്ഞു.
സമീപകാലം വരെ, യുഎസ് നിർമ്മിത മിട്രൽ ക്ലിപ്പുകൾ മാത്രമേ ഇന്ത്യയിൽ ലഭ്യമായിരുന്നുള്ളൂ. എന്നാൽ അവയുടെ ഉയർന്ന വില മൂലം മിക്ക രോഗികൾക്കും താങ്ങാനാകുമായിരുന്നില്ല. 2025 ജൂണിൽ, ഇന്ത്യൻ കമ്പനിയായ ‘മെറിൽ’ റെഗുലേറ്ററി തദ്ദേശീയമായി വികസിപ്പിച്ചെടുത്ത മൈക്ലിപ്പ് പുറത്തിറക്കുന്നത്. കോഴിക്കോട്ടെ മൈഹാർട്ട് സ്റ്റാർകെയർ ആശുപത്രിയിൽ മൈക്ലിപ്പ് ഉപകരണത്തിൻ്റെ ലഭ്യത കൊണ്ട് ചെലവുകൂടിയ ഇറക്കുമതി ഉപകരണങ്ങളുടെ ആവശ്യമില്ലാതെ കൂടുതൽ രോഗികൾക്ക് നൂതന ഹൃദയ പരിചരണം ലഭ്യമാക്കുന്നുവെന്ന് ഉറപ്പാക്കുന്നു.
മൈഹാർട്ട് സ്റ്റാർകെയർ പോലുള്ള മുൻനിര ആശുപത്രികളും ‘മെറിൽ’ പോലുള്ള നൂതന ഇന്ത്യൻ കമ്പനികളും തമ്മിലുള്ള സഹകരണം ഇന്ത്യയിലെ ആരോഗ്യ സംരക്ഷണ രംഗത്തെ എങ്ങനെ പരിവർത്തനം ചെയ്യുന്നുവെന്ന് എടുത്തുകാണിക്കുന്നതായി സീനിയർ ഇൻ്റർവെൻഷണൽ കാർഡിയോളജിസ്റ്റ് ഡോ. അലി ഫൈസൽ പറഞ്ഞു. ഇത്തരം ചികിത്സകൾക്ക് സർക്കാർ പിന്തുണയോടെ ലഭ്യമാണെന്നും അദ്ദേഹം പറഞ്ഞു.
വാർത്താ സമ്മേളനത്തിൽ പങ്കെടുത്തവർ :-
മൈഹാർട്ട് സ്റ്റാർകെയർ ആശുപത്രി,
സീനിയർ ഇൻ്റർവെൻഷണൽ കാർഡിയോളജിസ്റ്റ്
പ്രൊഫ. ഡോ. എസ്.എം. അഷ്‌റഫ് ,
സീനിയർ ഇൻ്റർവെൻഷണൽ കാർഡിയോളജിസ്റ്റ്
ഡോ. ആശിഷ് കുമാർ,
സീനിയർ ഇൻ്റർവെൻഷണൽ കാർഡിയോളജിസ്റ്റ് ഡോ. എസ്.എം. അഷ്‌റഫ്
എന്നിവർ പങ്കെടുത്തു