കുടുംബ ക്ഷേത്രത്തിൽതറവാട്ടുകാരും നാട്ടുകാരും ചേർന്ന് ഓണാഘോഷം ! മതസാഹോദര്യത്തിൻ്റെ ഉദാത്ത മാതൃകയായി നാലുപുരയ്ക്കൽ കുടുംബ സംഗമം

കോഴിക്കോട് :അത്തോളി കൊങ്ങന്നൂർ നാലുപുരയ്ക്കൽ തറവാട്ടിൽ സംഘടിപ്പിച്ച “ഓണം ഫാമിലി മൂഡ്” ഓണാഘോഷത്തിൽ വീട്ടുകാരും നാട്ടുകാരും ചേർന്ന് ഓണാഘോഷിച്ചപ്പോൾ മതസാഹോദര്യത്തിൻ്റെ ഉദാത്ത മാതൃകയായി
നാലുപുരയ്ക്കൽ കുടുംബ സംഗമം. കുടുംബാംഗങ്ങൾക്കും സ്ഥാനികർക്കും ഒപ്പം എല്ലാ വിഭാഗം ജനതയും സംഘാടനത്തിലും മത്സരത്തിലും പങ്കെടുത്തു. “ഓണം ഫാമിലി മൂഡ്” എന്ന് പേരിട്ട ആഘോഷത്തിൽ ഗെയിം ഷോ, വ്യത്യസ്ത ഓണക്കളികൾ എന്നിവയാൽ കാണികളും മത്സരാർത്ഥികളും ആവേശത്തിലായി. കൊങ്ങന്നൂർ ആശാരിക്കാവ് ഭഗവതി ക്ഷേത്രം പരിസരത്ത് നടന്ന ചടങ്ങിൽ ഓണം ഫാമിലി മൂഡ്
കാരണവന്മാരായ എൻ പി ശങ്കരൻ, എൻ പി വാസുദേവൻ, കെ ടി അശോകൻ, കെ ടി ശിവദാസൻ , എൻ പി പ്രജീഷ് , എൻ പി സുരേഷ്, എൻ പി കാർത്ത്യായനി , എൻ പി നാരായണി, സെക്രട്ടറി കെ ടി അനിലേഷ് , കൺവീനർ എൻ പി സജിത്ത് ,
മാതൃസമിതി സെക്രട്ടറി എൻ പി സംഗീത എന്നിവർ ചേർന്ന് ഭദ്രദീപം കൊളുത്തി ഉദ്ഘാടനം ചെയ്തു. ക്ഷേത്രം ട്രസ്റ്റി അജീഷ് അത്തോളി സ്വാഗതവും എൻ പി സത്യനാഥൻ നന്ദിയും പറഞ്ഞു. വ്യത്യസ്ത തരം ഗെയിംഷോ , ട്രാക്ക് സംഗീത വിരുന്ന് , മാവേലിയുടെ മാസ് എൻട്രി , നാസിക്ക് ഡോലക് , കുട്ടികൾക്കായി ചിത്ര രചന, കസേരക്കളി, ലെമൻസ്പൂൺ,സുന്ദരിക്ക് പൊട്ട് തൊടൽ , പുരുഷന്മാരുടെ സാരിയുടക്കൽ , വനിതകളുടെയും പുരുഷന്മാരുടെയും കമ്പവലി ഉൾപ്പെടെ വിവിധ മത്സരങ്ങളും സംഘടിപ്പിച്ചു. മാതൃസമിതിയുടെ നേതൃത്വത്തിൽ തിരുവാതിരക്കളിയും അവതരിപ്പിച്ചു.

ഫോട്ടോകൾ :

മാവേലിയുടെ മാസ് എൻട്രി

വനിതകളുടെ കമ്പവലി മത്സരം

കമ്പവലി മത്സര
വിജയികൾക്ക് സമ്മാനം നൽകുന്നു.

ഉദ്ഘാടന ചടങ്ങിൽ ‘കാരണവന്മാരായ എൻ പി ശങ്കരൻ, എൻ പി വാസുദേവൻ, കെ ടി അശോകൻ, കെ ടി ശിവദാസൻ തുടങ്ങിയവർ ചേർന്ന് ഭദ്രദീപം കൊളുത്തി ഉദ്ഘാടനം ചെയ്യുന്നു