കാലിക്കറ്റ് ചേംബർ പുതിയ ഭാരവാഹികൾ സ്ഥാനമേറ്റു

കോഴിക്കോട് :കാലിക്കറ്റ് ചേംബർ​ പുതിയ ഭാരവാഹികൾ ( 2025 – 2027 )​ സ്ഥാനമേറ്റു.
എ പി അബ്ദുല്ലക്കുട്ടി ( പ്രസിഡൻ്റ്) , ബോബിഷ് കുന്നത്ത് ( സെക്രട്ടറി ), അർഷാദ് ആദി രാജ ( ട്രഷറർ ) , പി എം ഷാനവാസ് (വൈസ് പ്രസിഡൻ്റ്), സുന്ദർ രാജുലു (ജോയിന്റ് സെക്രട്ടറി) ഉൾപ്പെട്ട ഭരണ സമിതിയാണ് ചുമതലയേറ്റത്.ഹോട്ടൽ ഹൈസൺ ഹെറിറ്റേജിൽ നടന്ന ചടങ്ങ് ജോയ് ആലുക്കാസ് ഗ്രൂപ്പ് ചെയർമാൻ ആൻ്റ് മാനേജിംഗ് ഡയറക്ടർ ജോയ് ആലുക്കാസ് ഉദ്ഘാടനം ചെയ്തു.സർക്കാറിൽ​ സമ്മർദ്ദം ചെലുത്താൻ സംഘടനകൾ അനിവാര്യമെന്ന് അദ്ദേഹം പറഞ്ഞു. ദുബായ് ജീവിതത്തിൻ്റെ തുടക്കകാലം ജ്വല്ലറി​ വ്യാപാരികളുടെ കൂട്ടായ്മ രൂപീകരിച്ച് അവിടുത്തെ ഗവൺമെൻ്റിൽ സമ്മർദ്ദം ചെലുത്തി വ്യാപാരികൾക്ക് ഗുണം ചെയ്ത കാര്യം അദ്ദേഹം അനുസ്മരിച്ചു. വ്യാപാരികൾക്ക്​ ചേംബർ പോലുള്ള സംഘടനകൾ ഒട്ടേറെ നല്ല കാര്യങ്ങളാണ് ചെയ്യുന്നതെന്നും അദ്ദേഹം കൂട്ടിച്ചേർത്തു.ചേംബർ പ്രസിഡൻ്റ്​ എ പി അബ്ദുല്ലക്കുട്ടി അധ്യക്ഷത വഹിച്ചു. സെക്രട്ടറി​ ബോബിഷ് കുന്നത്ത് ,ട്രഷറർ അർഷാദ് ആദി രാജ , വൈസ് പ്രസിഡൻ്റ്​ പി എം ഷാനവാസ് , ജോയിൻ്റ് സെക്രട്ടറി​ സുന്ദർ രാജുലു ,​ മുൻ പ്രസിഡൻ്റ്മാരായ ഡോ കെ മൊയ്തു , എം മുസമ്മിൽ , ഐപ്പ് തോമസ് ,സുബൈർ കൊളക്കാടൻ , മുൻ സെക്രട്ടറി സിറാജുദ്ദീൻ ഇല്ലത്തൊടി​ എന്നിവർ പ്രസംഗിച്ചു.

ഫോട്ടോ :കാലിക്കറ്റ് ചേംബർ​ പുതിയ ഭാരവാഹികൾ സ്ഥാനമേൽക്കുന്ന ചടങ്ങ് ഹോട്ടൽ ഹൈസൺ ഹെറിറ്റേജിൽ ജോയ് ആലുക്കാസ് ഗ്രൂപ്പ് ചെയർമാൻ ആൻ്റ് മാനേജിംഗ് ഡയറക്ടർ ജോയ് ആലുക്കാസ് ഉദ്ഘാടനം ചെയ്യുന്നു.ഇടത് നിന്നും​ സിറാജുദ്ദീൻ ഇല്ലത്തൊടി,​ അർഷാദ് ആദി രാജ,​ ബോബിഷ് കുന്നത്ത് ,ചേംബർ പ്രസിഡൻ്റ്​ എ പി അബ്ദുല്ലക്കുട്ടി,
ഡോ കെ മൊയ്തു , എം മുസമ്മിൽ,സുന്ദർ രാജുലു​ സമീപം