ചരിത്രം ഓർമ്മപ്പെടുത്തിചെറിയ പലാക്കിൽ മാളിയേക്കൽ കുടുംബം;സംഗമം ആഗസ്റ്റ് 15 ന്
കോഴിക്കോട് :ചരിത്രം ഓർമ്മപ്പെടുത്തി ചെറിയ പലാക്കിൽ കുടുംബം
ആഗസ്റ്റ് 15 ന് ബേപ്പൂർ സിറ്റി പാലസിൽ ഒരുങ്ങുന്നു. രാവിലെ 9 മണി മുതൽ രാത്രി 9 വരെയാണ് പരിപാടി. മേയർ ബീന ഫിലിപ്പ് ഉദ്ഘാടനം ചെയ്യും. ആയിരത്തിലധികം പേർ കുടുംബ സംഗമത്തിൽ പങ്കെടുക്കും.
ചരിത്രമുറങ്ങുന്ന മിസ്ക്കാൽ പള്ളിയോരത്ത് 400 വർഷങ്ങൾക്ക് മുമ്പ് മലഞ്ചരക്ക് വ്യാപാരി മമ്മാലി ഹാജി പണികഴിപ്പിച്ചതാണ് കുറ്റിച്ചിറ തെക്കും തലയിലെ ചെറിയ പലാക്കിൽ മാളിയേക്കൽ (സി.പി.എം ) തറവാട്. നഗരത്തിലെ പുരാതന മുസ്ലിം തറവാടുകളിലൊന്നാണ് . കോഴിക്കോട് നഗരത്തിലും പുറത്തു മായി താമസമാക്കിയ തറവാട്ടംഗങ്ങളുടെ തലമുറകൾ തമ്മിലുള്ള സംവേദനവും സംഗമത്തിലുണ്ടാകും.
മുതിർന്ന അംഗങ്ങളെയും വിവിധ മേഖലയിൽ മികവ് തെളിയിച്ചവരേയും ആദരിക്കും.
കളറിങ്ങ് , ചിത്രരചന, ഫണ്ണി ഗെയിംസ്, സ്പോട്ട് ക്വിസ് ,പ്രതിഭ സംഗമം, കരോക്ക, ഡാൻസ് ,ഒപ്പന, എന്നിങ്ങനെ പോകുന്നു കുടുംബ സംഗമത്തിലെ മൽസരയിനങ്ങൾ .
സന്തുഷ്ട കുടുംബത്തെ നറുക്കെടുപ്പിലൂടെ കണ്ടെത്തും.
കാലിക്കറ്റ് യൂനിവേഴ്സിറ്റിയെ പലതവണ അഖിലേന്ത്യാ ചാമ്പ്യൻമാരാക്കിയ ഫുട്ബാൾ കോച്ച് സി.പി.എം.ഉസ്മാൻ കോയ, ചെറുകിട വ്യവസായ കേന്ദ്രത്തിലെ ഉദ്യോഗസ്ഥയായിരുന്ന സി.പി.എം ഹൈറു, മലപ്പുറം ജില്ലാ കെ.എസ്.ആർ.ടി.സി. ഫുട്ബാൾ കോച്ച് സി.പി.എം ഉമ്മർകോയ, കസ്റ്റംസ് സുപ്രണ്ടായിരുന്ന സി.പി.എം.അബ്ദുൾ റഷീദ് ,കേരള സർക്കാർ സാമൂഹികക്ഷേമ വകുപ്പിലെ പ്രഥമ ജോയൻ്റ് ഡയരക്ടറായിരുന്ന പരേതനായ സി.പി.എം.മൊയ്തീൻകോയ, ചേംമ്പർ ഓഫ് കോമേഴ്സ് മുൻ പ്രസിഡണ്ട് പി.സക്കീർ ,കേന്ദ്ര ധനകാര്യ മന്ത്രാലയത്തിൽ നാഷനൽ സേവിംഗ് സ് ഡപ്യൂട്ടി റീജിനൽ ഡയരക്ടറായിരുന്ന പരേതനായ സി.പി.എം.ബഷീറുദ്ദീൻ, പി.ആൻ്റ്.ടി. ഫുട്ബാൾ താരം സി.പി .എം.ഇല്യാസ് തുടങ്ങിയവർ സി.പി.എം.കുടുംബാംഗങ്ങളാണ്.
വ്യാപാര പ്രമുഖരും, പത്രപ്രർത്തകരും, ഡോക്ടർമാരും വക്കീലൻമാരും എഞ്ചിനീയർമാരും മാളിയേക്കൽ തറവാട്ടിലുണ്ട്.
കുടുംബ സംഗമ ത്തോടനുബന്ധിച്ച് സി.പി.എം.സഈദ് അഹമ്മദ് പ്രസിഡണ്ടും സി.പി.എം.സുധീർ ജനറൽ സിക്രട്ടറിയും സി.പി.എം.മുഹമ്മദ് സാദിഖ് ട്രഷററുമായ 101 അംഗ കമ്മിറ്റി രൂപീകരിച്ചു.
ഫോട്ടോ:
സി.പി.എം. തറവാട് കുടുംബ സംഗമം വിളംബര പ്രഖ്യാപനത്തിന് തറവാട് വീട്ടൽ കുടുംബാംഗങ്ങൾ ചേർന്നപ്പോൾ
