ദി ബിസിനസ് ക്ലബ് ഓണാഘോഷം സംഘടിപ്പിച്ചു

കോഴിക്കോട് :ദി ബിസിനസ് ക്ലബിൻ്റെ നേതൃത്വത്തിൽ ഓണാഘോഷം “ടി ബി സി അഡാർ ഓണം” സംഘടിപ്പിച്ചു.ഗോകുലം ഗ്രാൻ്റിൽ നടന്ന പരിപാടി സിറ്റി പോലീസ് കമ്മീഷണർ എ. പി ഷൗക്കത്തലി ഉദ്ഘാടനം ചെയ്തു.നല്ല അച്ചടക്കമുളവർക്കെ നല്ല ബിസിനസ് കാരൻ ആകാൻ കഴിയൂ എന്ന് അദ്ദേഹം പറഞ്ഞു.ലോകം നിലനിൽക്കുന്നത് ബിസിനസ് കൊണ്ടാണ് , അത് ചെറിയ രാജ്യമായാലും വലിയ രാജ്യമായാലും. പാരമ്പര്യമായി ബിസിനസ് നഗരമാണ് കോഴിക്കോട്, അത് നല്ല രീതിയിൽ നിലനിർത്തുന്ന വരാണ് ഇപ്പോഴുള്ള വരെന്നും ഷൗക്കത്തലി കൂട്ടിചേർത്തു.ടി ബി സി പ്രസിഡൻ്റ് എ കെ ഷാജി അധ്യക്ഷത വഹിച്ചു.ജനറൽ സെക്രട്ടറി മെഹറൂഫ് മണലൊടി,ട്രഷറർ കെ വി സക്കീർ ഹുസൈൻ,ചലച്ചിത്ര താരങ്ങളായ വിഷ്ണു ഉണ്ണികൃഷ്ണൻ , മാളവിക ശർമ്മ എന്നിവർ സംസാരിച്ചു.ടി ബി സി ക്യാബിനറ്റ് അംഗങ്ങളായ രൂപേഷ് കോളിയോട്ട് , ലിപി അക്ബർ, ഗസൽ മുജീബ് , ഷബീർ യൂണിറ്റി , ഷിഹാബ് ശോഭിക എന്നിവർ നേതൃത്വം നൽകി.ഗാന വിരുന്ന് ,കലാ പ്രകടനം , കമ്പവലി മത്സരം, പൂക്കളം, മാവേലി, പുലി വേഷം എന്നിവ ഓണാഘോഷത്തിന് മാറ്റേകി.

ഫോട്ടോ :”ടി ബി സി അഡാർ ഓണം “ഗോകുലം ഗ്രാൻ്റിൽ നടന്ന ആഘോഷം സിറ്റി പോലീസ് കമ്മീഷണർ എ പി ഷൗക്കത്തലി ഉദ്ഘാടനം ചെയ്യുന്നു. മെഹറൂഫ്മണലൊടി,എ കെ ഷാജി, മാളവിക ശർമ്മ ,വിഷ്ണു ഉണ്ണികൃഷ്ണൻ ,കെ വി സക്കീർ ഹുസൈൻ സമീപം