കാരന്തൂർ എ എം എൽ പി സ്കൂളിന് ശുചിത്വ പുരസ്കാരം

കുന്ദമംഗലം: സ്വച്ഛതാ ഹി സേവാ ക്യാമ്പയിന്റെ ഭാഗമായി നടന്ന ശുചിത്വോ ത്സവത്തിൽ കാരന്തൂർ എ എം എൽ പി സ്കൂളിന് പുരസ്കാരം. ശചിത്വോത്സവത്തിലെ ക്ലീൻ വൈബ്സ് ക്യാമ്പയിനിൽ മികച്ച പ്രകടനം കാഴ്ചവച്ചതിനാണ് അംഗീകാരം.ശുചിത്വം, ശാസ്ത്രീയ മാലിന്യ സംസ്കരണം തുടങ്ങിയ വിഷയങ്ങളെ ആസ്പദമാക്കി നടത്തിയ വിവിധ ക്യാമ്പയിനിൽ വ്യത്യസ്തവും നൂതനവുമായ പ്രവർത്തനങ്ങളെ അടിസ്ഥാനമാക്കിയ സ്ഥാപനങ്ങൾക്കാണ് പുരസ്കാരം നൽകിയത്. ജില്ലാശുചിത്വ മിഷന്റെ നേതൃത്വത്തിലാണ് ക്യാമ്പയിൻ നടത്തിയത്. സ്കൂൾ പി ടി എ പ്രസിഡന്റ്‌ സി. മുഹമ്മദ്‌ ഷാജിയുടെയും അധ്യാപരുടെയും സാന്നിധ്യത്തിൽ ജില്ലാ കളക്ടർ സ്‌നേഹിൽ കുമാർ സിംഗിൽ നിന്ന് ഹെഡ് മാസ്റ്റർ കെ. ബഷീർ പുരസ്‌കാരം ഏറ്റുവാങ്ങി. ചടങ്ങിൽ ശുചിത്വ മിഷൻ ജില്ലാ കോഡിനേറ്റർ ഇ. ടി. രാകേഷ് അധ്യക്ഷനായി.