പാലക്കാട് ഫോം നിര്‍മാണ കമ്പനിയില്‍ തീപിടിത്തം; ഒരാള്‍ക്ക് പൊള്ളലേറ്റു
പാലക്കാട്: വാളയാര്‍ പൂലമ്പാറയില്‍ ഫോം നിര്‍മാണ കമ്പനിയില്‍ തീപിടിത്തം. ഒരാള്‍ക്ക് പൊള്ളലേറ്റു. പൂലമ്പാറയില്‍ സ്ഥിതി ചെയ്യുന്ന പ്യാരിലാല്‍ ഫോംസ് എന്ന കമ്പനിയിലാണ് തീപിടിത്തം ഉണ്ടായിരിക്കുന്നത്. ബുധനാഴ്ച പുലര്‍ച്ചെ മൂന്ന് മണിയോടെയാണ് സംഭവം ഉണ്ടായത് .
കിടക്ക നിര്‍മ്മാണത്തിന് ഉപയോഗിക്കുന്ന ഫോം നിര്‍മിക്കുന്ന കമ്പനിയാണ് ഇത്. ഒരാള്‍ക്ക് നിസാര പൊള്ളലേറ്റതായും വിവരമുണ്ട് . പാലക്കാട്, കഞ്ചിക്കോട് അഗ്നിരക്ഷാനിലയങ്ങളില്‍ നിന്നുള്ള സംഘമെത്തി ഒരു മണിക്കൂര്‍ നീണ്ട പരിശ്രമത്തിനൊടുവിലാണ് തീയണച്ചത്.
